Հայաստանում տնային տնտեսությունների մոտ 15%-ը պարենային տեսանկյունից անապահով է, բնակչության 2,5 տոկոսը ծայրահեղ աղքատ է, 5 տարեկանից փոքր երեխաների 19%-ը թերաճ են: Սա ազգային անվտանգության հարց է: Այսօր, մտածելով երեխաների սննդապահովման մասին, մտածում ենք մեր ապագայի մասին՝ նշում է Աշխատանքի և սոցիալական հարցերի նախարարության սոցիալական աջակցության վարչության պետ Աստղիկ Մինասյանը՝ այս տեսանկյունից կարևորելով ինտեգրված սոցիալական ծառայությունների ներդրման անհրաժեշտությունը: Խնդիրները առնչվում են պրոբլեմների լայն սպեկտրի հետ ու դուրս են մեկ նախարարության գործառույթների շրջանակից:
