ՀՀ ԱԻ նախարար Անդրանիկ Փիլոյանը հանդիպել է Հայաստանում Ռուսաստանի արտակարգ եւ լիազոր դեսպան Սերգեյ Կոպիրկինի հետ:
Նախարար Փիլոյանն իր ողջույնի խոսքում բարձր է գնահատել Ռուսաստանի գործընկեր կառույցի հետ համագործակցության զարգացումները, ինչպես նաեւ կարեւորել է հումանիտար օգնության ոլորտում արդյունավետ փոխգործակցությունը, քաղաքացիական ենթակառուցվածքների վերականգնման գործում ցուցաբերած աջակցությունը եւ Արցախում իրականացվող ռուսական խաղաղապահ առաքելության դերը:
Դեսպան Կոպիրկինը եւս անդրադարձել է համագործակցության նշված առաջնահերթություններին: Կողմերը գոհունակություն են հայտնել Երեւանում գործող հայ-ռուսական հումանիտար արձանգանքման կենտրոնի գործունեության եւ ընթացիկ ծրագրերի առնչությամբ:
Քննարկվող թեմաների առանցքում եղել է գերիների վերադարձի, զոհված եւ անհայտ կորած անձանց որոնման ուղղությամբ տարվող աշխատանքների ակտիվացման հարցը:
