Մենաշնորհի մասին ոչ տեսել ենք, ոչ լսել ենք, ոչ էլ կասենք: Կկազմենք հանձնաժողով, որը կուսումնասիրի, հայեցակարգ կգրի, կքննարկի և գուցե հայտնաբերի այդ չարաբաստիկ մենաշնորհը: Իսկ հետո օրինական ուժ կտանք դրան, որ այլևս հարցեր չառաջանան և անունը կդնենք «պայքարել»: Սա սցենար է, որը մեզ ներկայացնում են պաշտոնյաները: Բայց մենաշնորհին օրինական ուժ տալը շատ ավելի խնդիրներ կառաջացնի՝ վերացնելով ազատ տնտեսություն ունենալու որևէ հավանականություն: «Հակաճգնաժամի» այս թողարկմանը Գագիկ Մակարյանի հետ վերլուծել ենք մենաշնորհների դեմ պայքարի մեխանիզմը:
