Իրանի արտաքին գործերի նախարարության խոսնակը հայտնել է, որ չինական Սինոֆարմ պատվաստանյութի շուրջ 250.000 դոզա պատրաստ է՝ ուղարկվելու Իրան՝ Պեկինում Իրանի դեսպանության հետ համաձայնությամբ: Այս մասին հայտնում է INA-ն:
Նա լրագրողների հետ զրույցում նշել է, որ չի ցանկանում հարցի մասին խոսել նախքան տեխնիկական մանրամասների հրապարակումը՝ հավելելով, որ չափաբաժինները Չինաստանի կառավարությունը նվիրել է Իրանին, և դրանք չվերթով կուղարկվեն Իրան:
Խոսնակն ասել է, որ կոնկրետ օրը հայտնի կդառնա Պեկինում Իրանի դեսպանատան հետ համաձայնեցված նախապատրաստական աշխատանքներն իրականացնելուն պես:
Գրում է 1in.am -ը:
