10:05   24-02-2021
Image Description
Փետրվարի առաջին 20 օրերին առևտրաշրջանառությունը 44 մլրդ դրամով գերազանցել է 2020-ի նույն ցուցանիշը. Փաշինյան
Թողնել մեկնաբանություն

Երկրում ստեղծված մթնոլորտի լիցքաթափման գործիք վարչապետ Նիկոլ Փաշինյանը տեսնում է նոյեմբերի 18-ին իր կողմից հրապարակված  «Ճանապարհային քարտեզ»-ի արդյունավետ իրագործումը: Ինչպես փոխանցում է «Արմենպրես»-ը, այդ մասին վարչապետը նշել է Նվեր Մնացականյանին տված հարցազրույցում:

«Կարող եմ արձանագրել, որ նոյեմբերի 18-ին իմ կողմից հրապարակված «Ճանապարհային քարտեզ»-ը բավականին հաջողությամբ իրականացվում է: Այս պահի դրությամբ շուրջ 17 ծրագիր ենք իրականացրել, ընդ որում շատ կարևոր եմ համարում արձանագրել, որ այսօրվա դրությամբ մենք Արցախում շուրջ 23 մլրդ դրամի ծրագիր ենք իրականացրել, որը վերաբերել է ամենատարբեր ոլորտների, հիմնականում՝ սոցիալական և Արցախի պետական կառույցների աջակցության: Եվ ընդհանուր փաթեթը, որն ընդունված է այս պահին և որը պետք է իրականացվի Արցախում, կհասնի շուրջ 50 մլրդ դրամի: Նաև Հայաստանում ենք ծրագրեր իրականացնում՝ Սյունիքի մարզում: Շատ կարևոր եմ համարում պատերազմից տուժած ընտանիքներին սոցիալական աջակցության ծրագիրը: Կարևոր եմ համարում պատերազմի հետևանքով հաշմանդամություն ձեռք բերած մեր զինվորներին աջակցելու ծրագիրը, վիրավորվածներին աջակցելու ծրագիրը: Այն ծրագիրը, որով մենք պատերազմին մասնակցած մեր եղբայրներին ու քույրերին կամ նրանց ընտանիքների անդամների մեկ կիսամյակի ուսման վարձի փոխհատուցում ենք իրականացնում: Հիմա քննարկում ենք լայնածավալ հիփոթեքային ծրագիր ընդունելու հարցը Արցախում և Հայաստանի սահմանամերձ գյուղերում»,- ասել է վարչապետը:

Loading...