Ըստ գործող օրենսդրության, զոհված զինծառայողների ընտանիքներին հատկացվող օժանդակությունը շուրջ 1.6 մլն դրամ է: Պատշաճ ապահովագրական մեխանիզմների ներդրման արդյունքում հնարավոր է այդ թիվը տասնապատկել: Գումարը զոհվածի հարազատներին, իհարկե, չի մխիթարելու, բայց թույլ կտա կերակրողին կորցրած մարդկանց հետագա կյանքը կազմակերպելու համար ժամանակ շահել: Պաշտպանության նորանշանակ նախարարի կողմից շրջանառության մեջ դրված «ազգ-բանակ» եզրույթը նախևառաջ մարդկանց նկատմամբ վերաբերմունքի փոփոխություն է նախատեսում: Զոհվածի ծնողը ոչ մի դեպքում չպիտի ինչ-որ չինովնիկի դռան առաջ վիզ ծռի:
