Երբ ասում ենք, որ գյուղատնտեսական վարկերը ռիսկային են, որ գյուղացին եղանակային պայմանների կամ այլ օբյեկտիվ պատճառներով չի կարողանում մարել վարկը, մոռանում ենք սուբյեկտիվ գործոնը: Հաճախ, վերցնելով վարկ գյուղատնտեսական գործունեության համար, գյուղացին այն ծախսում է այլ՝ սպառողական նպատակներով: Արդյունքում չկա եկամուտ, կա ֆինանսական պարտավորություն ու լուրջ խնդիրներ վարկատու կազմակերպության հետ: «Գլոբալ կրեդիտ» ՈւՎԿ-ի գյուղատնտեսական վարկատեսակները տրվում են գյուղատնտեսական հատուկ ծրագրերի շրջանակում, որոնք պարտադրում են վարկառուին վարկը ծախսել բացառապես նպատակային: Արդյունքում կա հաշվարկելի եկամուտ և չկան ֆինանսական խնդիրներ: Վարկատեսակների մասին մանրամասներ ներկայացնում է «Գլոբալ կրեդիտ» ՈւՎԿ միկրո ֆինանսավորման և գյուղատնտեսական վարկավորման բաժնի ղեկավար Նաիրա Բաբայանը:
