Ամերիկայի Միացյալ Նահանգները մտադիր է իր դաշնակիցների ու գործընկերների հետ քննարկել Չինաստանում 2022 թվականի ձմեռային օլիմպիական խաղերը բոյկոտելու հնարավորությունը: Այս մասին հայտարարել է ԱՄՆ Պետդեպարտամենտի մամուլի ծառայության ղեկավար Նեդ Փրայսը:
«Մենք, իհարկե, ուզում ենք քննարկել դա: Եվ մենք, իհարկե, հասկանում ենք, որ համակարգված մոտեցումը կհամապատասխանի ոչ միայն ԱՄՆ-ի, այլև մեր դաշնակիցների և գործընկերների շահերին», – ասաց նա:
Պետդեպարտամենտի ներկայացուցչի խոսքով, սա ներկայիս օրակարգի թեմաներից մեկն է:
Պեկինում 24-րդ ձմեռային օլիմպիական խաղերը պետք է անցկացվեն 2022 թվականի փետրվարի 4-ից 20-ը:
Գրում է 1in.am -ը: