Օտար երկրներից ժամանած հյուրերը չեն հրավիրվի մայիսի 9-ին Մոսկվայում Հայրենական մեծ պատերազմում տարած Հաղթանակի 76-ամյակին նվիրված տոնակատարությանը: Այս մասին չորեքշաբթի լրագրողներին հայտնել է ՌԴ նախագահի մամուլի քարտուղար Դմիտրի Պեսկովը, փոխանցում է ՏԱՍՍ-ը:
«Ոչ, սա հոբելյանական տարի չէ, ուստի օտարերկրյա մասնակիցներ չեն հրավիրվի»,- նշել է Կրեմլի ներկայացուցիչը՝ պատասխանելով հարցին՝ արդյո՞ք այս տարի Հաղթանակի շքերթի հրավերներ կուղարկվեն օտարերկրյա ղեկավարներին:
Պեսկովը շեշտել է, որ «մյուս հարցերում, հավանաբար, կգործի (հյուրերին) շքերթին հրավիրելու սովորական ռեժիմը, սակայն՝ այն նրբություններով, որոնք կսահմանվեն մեր սանիտարական մարմինների կողմից (միջոցառման) ամսաթվին մոտ»:
Գրում է՝ News.am-ը: