Ուզբեկստանի իշխանությունները սպասում են, որ COVID-19-ի դեմ ռուսական Sputnik V պատվաստանյութը կուղարկվի մինչև ապրիլի վերջ: «Արմենպրես»-ի փոխանցմամբ՝ ինչպես տեղեկացնում է «ՌԻԱ Նովոստի»-ն, այս մասին ասել է Ուզբեկստանի վարչապետ Աբդուլա Արիպովը:
Արիպովն անցկացրել է կորոնավիրուսի դեմ պայքարի հանրապետական հանձնաժողովի՝ ընդլայնված կազմով նիստ:
«Ամսվա վերջին ռուսական Sputnik V պատվաստանյութը կմիանա Ուզբեկստանում պատվաստումներին», - ասել է Արիպովը:
Նա հավելել է, որ Sputnik V- ն ի սկզբանե եղել է Ուզբեկստանի իշխանությունների պատվաստումների ռազմավարության մաս: