13:31   21-04-2021
Image Description
Ամերիկացի գեներալ. Իրանն ամենօրյա սպառնալիք է ներկայացնում ԱՄՆ-ի համար
Թողնել մեկնաբանություն

Իրանն ամենօրյա սպառնալիք է ներկայացնում է ԱՄՆ-ի եւ Մերձավոր Արեւելքում նրա դաշնակիցների համար, քանի որ տարածաշրջանում Ամերիկայի ռազմական գերակայությունը թուլանում է, հայտարարել է ԱՄՆ Կենտրոնական հրամանատարության ղեկավար Ֆրենկ Մաքենզին:

«Իրանի աջակցությամբ Եմենի հութիների ուժերը հունվարից բալիստիկ հրթիռների, ցամաքային թեւավոր հրթիռների եւ անօդաչու թռչող սարքերի ավելի քան 150 հարվածներ են հասցրել Սաուդյան Արաբիայում ռազմական ենթակառուցվածքներին եւ քաղաքացիական օբյեկտներին»,- Ներկայացուցիչների պալատի զինված ուժերի հանձնաժողովին ասել է Մաքենզին։

Մերձավոր Արեւելքը «եղել եւ միշտ կլինի գլոբալ շահերի խաչմերուկ եւ պատմականորեն այն հիմնական ասպարեզը, որտեղ արտաքին ուժերը պայքարել են ազդեցության, ռեսուրսների եւ հասանելիության համար»,- ասել է Մաքենզին: Գեներալն ընդգծել է տարածաշրջանում Չինաստանի եւ մասնավորապես Ռուսաստանի աճող ներկայությունը:

Loading...