17:09   21-04-2021
Image Description
Բոլոր սահմաններն անցել են. Պուտինը՝ Բելառուսում հեղաշրջման փորձի մասին
Թողնել մեկնաբանություն

Ռուսաստանի նախագահ Վլադիմիր Պուտինը բացահայտ է համարել Բելառուսում պետական ​​հեղաշրջման փորձը և հանրապետության ղեկավար Ալեքսանդր Լուկաշենկոյի սպանության ծրագրերը: Այս մասին Ռուսաստանի ղեկավարն ասել է Դաշնային ժողովին ուղղված ամենամյա ուղերձի ժամանակ:

«Դուք կարող եք ցանկացած տեսակետ ունենալ Բելառուսի նախագահ Լուկաշենկո Ալեքսանդր Գեորգիի վարած քաղաքականության վերաբերյալ, բայց պետական ​​հեղաշրջումներ կազմակերպելու պրակտիկան, քաղաքական սպանությունների ծրագրերը, այդ թվում` բարձրաստիճան պաշտոնյաների, արդեն չափն անցնում են: Բոլոր սահմաններն արդեն անցել են»,- շեշտել է Պուտինը:

Նա նաև ուշադրություն է հրավիրել այն փաստի վրա, որ արևմտյան երկրները չեն դատապարտում միջադեպը:

«Միևնույն ժամանակ, հատկանշական է, որ նույնիսկ այդպիսի բացահայտ գործողությունները չի դատապարտում, այսպես կոչված, հավաքական Արևմուտքը: Թվում է, թե ոչ ոք պարզապես չի նկատում դա, բոլորը ձևացնում են, թե ընդհանրապես ոչինչ չի կատարվում»,- ասել է պետության ղեկավարը:

Պուտինը նշել է, որ ոչ ոք չի մտածում այն ​​մասին, թե քանի մարդ կտուժեր, և ինչպես կզարգանար Բելառուսի ճակատագիրը, եթե ձեռնարկվեր պետական ​​հեղաշրջման փորձ:

Loading...