11:57   04-05-2021
Image Description
Ղրղզստանը հատուկ կարգավիճակ կտա Տաջիկստանի հետ սահմանային Բատկենի շրջանին
Թողնել մեկնաբանություն

Շուտով հատուկ կարգավիճակ կտրվի Ղրղզստանի Բատկենի շրջանին, որտեղ ապրիլի 29-ին տեղի էր ունեցել սահմանային զինված հակամարտությունը Տաջիկստանի հետ։ Այս մասին հայտարարել է հանրապետության վարչապետ Ուլուկբեկ Մարիպովը տարածաշրջան այցի ընթացքում։

«Համապատասխան որոշումն իմ կողմից ստորագրվել է և ուղարկվել խորհրդարան։ Հենց այն ընդունվի, Բատկենի շրջանը կստանա հատուկ կարգավիճակ, որը ենթադրում է նաև հարկային արտոնություններ»,-ասել է վարչապետը։

Մարիպովը վստահեցրել է տեղի բնակիչներին, որ ավերված տների փոխարեն նորերը կկառուցվեն։ Նախնական հաշվարկով՝ խոսքը Բատկենի շրջանում 30, Լեյլեքի շրջանում 70 տների մասին է։ Աշխատանքները կավարտվեն մինչև ձմեռ։

Մարիպովի խոսքով՝ ներկայում շարունակվում են նշագծման և սահմանազատման աշխատանքները։

Գրում է Shantnews.am -ը:

Loading...