Միջին վիճակագրական գերմանացին իր շահերը շաբաթական պաշտպանում է 3-5 ժամ, եթե Հայաստանում այդ ցուցանիշը գոնե 1 ժամ լիներ, մենք այլ երկիր կունենայինք: Մենք սենյակներում հավաքված կարող ենք բողոքել աշխատավարձից, հոսանքի գնից, բայց չենք ստեղծում արհմիություն, վարձում իրավաբան, պայքարում սեփական իրավունքի համար: Դեռ Զոհրապն էր ժամանակին դեմ դուրս գալիս արհմիություններն արգելելու նախագծին՝ նշելով, որ դա աշխատավորի առաջնային իրավունքն է: Ինչի՞ համար են արհմիությունները, ինչպե՞ս դրանք ճիշտ աշխատեցնել ու արդյո՞ք Հայաստանում կա գոնե մեկ հաջողված օրինակ: Թեմայի շուրջ զրուցել են Նարինե Թուխիկյանն ու ԻՏՁՄ գործադիր տնօրեն Կարեն Վարդանյանը:
