Սահմանում ընթացող թեժ մարտերը հուշում են՝ Հայաստանը կապիտուլյացիայի չի ենթարկվել։ Ադրբեջանը ցանկանում է ստանալ այն, ինչ չկարողացավ պատերազմի արդյունքում։ Եթե այսօր չկքնվեց խաղաղության պայմանագիրը, վաղը Հայաստանի բռունցքի հարվածը ուժգին է լինելու։ «Ազատ քաղաքացի» ՀԿ ղեկավար Հովսեփ Խուրշուդյանը նշում է՝ Արևմուտքը տարածաշրջանում է, Ժամանակն էլ աշխատում է մեր օգտին։ Խուրշուդյանի կարծիքով Ալիևը դարձել է շատ հարցերում թելադրող, իսկ դա թույլ է տվել Վ. Պուտինը։ Շահերի լիարժեք համընկնումը Ալիևին թևեր է տվել։ Նրանք մարսում են այն, ինչ անում են։ Բայց, ըստ Խուրշուդյանի, արդեն ներքին անհամաձայնություններ կան. ճանապարհների վերագործարկումը նրանք տարբեր են ընկալում։