12:11   18-09-2021
Image Description
Մեծ Բրիտանիայի իշխանությունները մեղմացնում են այլ երկրներից Թագավորություն մուտք գործելու կանոնները
Թողնել մեկնաբանություն

 Մեծ Բրիտանիայի իշխանություններն էապես մեղմացնում են այլ պետություններից երկրի տարածք մուտք գործելու կանոնները։

Ինչպես հաղորդում է «Արմենպրես»-ը՝ վկայակոչելով «ՏԱՍՍ»-ը, այս մասին «Թվիթեր»-ի իր էջում գրել է Մեծ Բրիտանիայի Տրանսպորտի նախարար Գրանթ Շեփփսը։

«Հոկտեմբերի 4-ից ամբողջապես պատվաստված ճանապարհորդներին հարկավոր կլինի COVID-19-ի համար միայն մեկ ոչ թանկ թեստ հանձնել աշխարհի երկրների մեծամասնությունից Անգլիա ժամանելու համար: Մենք ցանկանում էինք, որ նոր համակարգն ավելի հեշտ լինի հասկանալու համար և արտասահման ուղևորություններն ավելի էժան դարձնեինք»,- հայտարարել է նախարարը՝ ընդգծելով, որ Մեծ Բրիտանիայի սահմանափակումների մի մասը հանելում են, քանի որ բնակչության զանգվածային պատվաստման ծրագիրը հաջողություն է ունեցել։ Արդեն պատվաստվել է երկրի 16-ից բարձր տարիքի բնակիչների գրեթե 90 տոկոսը:

Մեծ Բրիտանիա մուտքի կանոնների մեղմացումը չի տարածվի այն մարդկանց վրա, ովքեր պատվաստված չեն երկրում հաստատված պատվաստանյութերով։

Loading...