Մուտքագրեք ձեր էլ. Փոստի հասցեն և հրահանգներով էլ-նամակ կուղարկվի ձեզ:
Հատելով Երևանի մեծ ու փոքր փողոցները՝ նա կանգնել է Ֆիզիկայի ինստիտուտի դարպասների մոտ։ Ամեն առավոտ։ Վայրկյանների ճշգրտությամբ բացել ու փակել գիտական աշխարհի դռները։ 45 տարի շարունակ Ալբերտ Շահինյանը նույն ժամին եղել է նույն վայրում։ Դժվար է լինել անկախ Հայաստանի վաստակավոր գիտաշխատող։ Թելերից կախված գիտությունը, այնուամենայնիվ, պետք է ամուր պարաններով կապել։ Այսօր այն նման է առանց բռնակ ճամպրուկի. Ալբերտ Շահինյանը և իր գործընկերները ամեն օր մտածում են՝ ինչ անել այս ճամպրուկի հետ։ Թողնել չի լինի, տանելը առավել դժվար է։
