19:10   15-10-2021
Image Description
COVID-19-ի վերաբերյալ գրանցամատյանները կարելի է վարել ինչպես թղթային, այնպես էլ էլեկտրոնային եղանակով. ՀՎԿԱԿ
Թողնել մեկնաբանություն

Կորոնավիրուսային հիվանդության տարածման ռիսկը նվազեցնելու նպատակով Հայաստանի Հանրապետությունում աշխատանքի կազմակերպման ընթացքում կիրառվող սանիտարական կանոնների համաձայն՝ անձնակազմի կորոնավիրուսային հիվանդության (COVID-19) ախտորոշման ՊՇՌ հետազոտության և COVID-19-ի դեմ պատվաստումային կարգավիճակի և բժշկական հակացուցումների վերաբերյալ գրանցամատյանները կարելի է վարել ինչպես թղթային, այնպես էլ էլեկտրոնային եղանակով, քանի որ գործող իրավական ակտերում հատուկ պահանջ նշված չէ: Այս մասին հայտնում են Հիվանդությունների վերահսկման և կանխարգելման ազգային կենտրոնից:
 
Նշենք, որ կորոնավիրուսային հիվանդության (COVID-19) ախտորոշման պոլիմերազային շղթայական ռեակցիայի հետազոտության բացասական արդյունքը հավաստող առավելագույնը 72 ժամ վաղեմության սերտիֆիկատը գրանցվում է գրանցամատյանում, և պատճենը պահպանվում է, իսկ պատվաստման սերտիֆիկատը գրանցվում է գրանցամատյանում, և պատճենը կցվում է աշխատողի անձնական գործին:
 
Նշվում է նաև, որ ուժը կորցրած է ճանաչվել անձնակազմի ջերմաչափման վերաբերյալ արդյունքների գրանցման գրանցամատյանի վարման պահանջը։

 

Loading...