Թերևս, շատերիս մանկական ամենավատ հիշողությունների «գլխավոր հերոսները» ատամնաբույժներն են: Ատամնաբույժից վախն այնքան տարածված է, որ անգամ հատուկ տերմին ունի՝ դենտոֆոբիա: Իրականում երեխաների համար բժշկին այցելությունը կարելի է այնպես կազմակերպել, որ նա ոչ միայն չվախենա ատամնաբույժից, այլև սիրով գնա նրա մոտ: Այս հարցում մեծ անելիք ունեն ինչպես ատամնաբույժները, այնպես էլ ծնողները: Մանկական ատամնաբուժության նրբությունների, տարածված խնդիրների ու դրանց լուծման մասին ենք զրուցել Ավանտա նորարարական բժշկության կենտրոնի մանկական ատամնաբույժ Գոհար Հովհաննիսյանի հետ:
