13:38   01-12-2021
Image Description
Քանաքեռ-Զեյթունում դիտարկվել է սննդի և առևտրի 25 կազմակերպություն, հայտնաբերվել՝ 2 խախտում
Թողնել մեկնաբանություն

Նոյեմբերի 30-ի երեկոյան ՀՀ ՍԱՏՄ տեսուչների ստուգայցերը՝ ուղղված հակահամաճարակային միջոցառումների պահպանմանը, անցկացվել են մայրաքաղաքի Քանաքեռ-Զեյթուն վարչական շրջանի իրացման ցանցում և հանրային սննդի օբյեկտներում:
 
Վերահսկողություն է կատարվել 25 տնտեսվարողի մոտ, կազմվել է 2 արձանագրություն:
 
Երևանում իրականացվող ստուգայցերին մասնակցել են ոչ միայն Երևանի կենտրոնի, այլև ՍԱՏՄ Կոտայքի և Արարատի մարզային կենտրոնների տեսուչները:
 
Հիշեցում․ խախտումների արձանագրման դեպքում տնտեսավարողը նախազգուշացվում է կամ ենթարկվում վարչական պատասխանատվության՝ տուգանքի, 100-ից 300 հազար, խախտման կրկնվելու դեպքում՝ 150-ից 500 հազար դրամի չափով:
 
Հիշեցում․ կորոնավարակի կանխարգելման համար սահմանված հիմնական պահանջներն են՝ աշխատակիցներն ու գնորդները պետք է կրեն դիմակ, պահեն սոցիալական հեռավորություն, խանութներում պետք է հասանելի տեղում լինեն ձեռքերի ախտահանիչներ, մակերեսները պետք է պարբերաբար ախտահանվեն, ունենան ախտահանման գրանցամատյաններ, աշխատակիցները պետք է լինեն պատվաստված կամ ունենան ՊՇՌ թեստի բացասական պատասխան։

Loading...