ՌԴ ԱԳՆ խոսնակ Մարիա Զախարովան, այսօր տեղի ունեցած ճեպազրույցի ժամանակ պատասխանելով լրագրողի հարցին, մեկ անգամ ևս ընդգծել է, որ «Ներուկրաինական հակամարտության կարգավորման հարցում Ռուսաստանի և Ուկրաինայի միջև Թուրքիայի միջնորդական դերի մասին խոսք լինել չի կարող»։
Զախարովան հիշեցրել է, որ Դոնբասի հակամարտությունը Ուկրաինայի և Դոնբասի խնդիրն է, և Ռուսաստանը հակամարտող կողմ չէ: Բացի դրանից՝ կարգավորելու համար արդեն կան ձևաչափեր, դա կոնտակտային խումբն է, որը կապ է հաստատում Կիևի, Դոնեցկի ու Լուգանսկի միջև Ռուսաստանի և ԵԱՀԿ-ի միջնորդությամբ, ինչպես նաև «Նորմանդական» ձևաչափը: Ըստ Զախարովայի՝ դրանք ընդամենը պետք է ակտիվացնել, հետևաբար, Ռուսաստանի և Ուկրաինայի միջև Թուրքիայի միջնորդական դերի մասին խոսք լինել չի կարող:
