Թուրքիան հայտարարեց Երևանի և Անկարայի միջև հարաբերությունների հաստատման համար իրենց բանագնացի անուն-ազգանունը: Վաշինգտոնում Թուրքիայի դեսպան աշխատած մարդը՝ Սերդար Քըլըչը, պատահական մեկը չէ: Նա ամենավերին օղակի «գայլերից» է: Ամենափորձառու, դիվանագիտական առումով «մարդ հոշոտող»: Իսկ ու՞ր է մեր դիվանագիտական «գայլը», ով համահավասար կխոսի նրա հետ: Ինչ կարող է անել Թուրքիայի հետ բանակցություններում մեր շահերը ներկայացնող Ռուբեն Ռուբինյանը, ով ուսանել է Դինքի հիմնադրամի միջոցներով: Այդ հիմնադրամը, սակայն, Դինքի հետ ոչ մի առնչություն չունի, բացի նրանից, որ կրում է նրա անունը: Թուրք բանագնացի՝ Քըլըչի, աշխատանքային գործունեության տարիքը ավելի մեծ է, քան մեկ տարի Թուրքիայում ուսանած Ռուբինյանի տարիքը:
Թուրքագետ Տիրան Լոքմագյոզյանը խոսել է հայ-թուրքական սպասվող բանակցություններում Թուրքիայի և մեր դիվանագիտական կշռի մասին:
