Դելիի ազգային մայրաքաղաքային օկրուգում (ներառում Է Նյու Դելին) հունվարի 21-ին օդի աղտոտման աստիճանը վեց անգամ գերազանցել Է անվտանգ մակարդակը: Ինչպես հաղորդել Է քաղաքի օդերեւութաբանական դեպարտամենտը, մայրաքաղաքում օդի որակի ինդեքսը կազմել Է 372՝ 0-ից մինչեւ 52 նորմայի դեպքում, տեղեկացնում Է «Արմենպրես»-ը:
Այդ մակարդակը գնահատվում Է որպես «վատ», այն չորրորդն Է աղտոտման վեց հնարավոր աստիճանավորումներից: Օկրուգում մթնոլորտի այդ վիճակի պատճառ են դարձել թանձր մառախուղը, ծխամշուշը եւ անքամի եղանակը:
Գերատեսչությունը բնակիչներին խորհուրդ Է տվել խուսափել բաց օդում ցանկացած ծանրաբեռնվածություններից:
Քաղաքացիները գանգատվում են հեւոցից եւ աչքերի քորից, կտրուկ աճել Է բժշկական հիմնարկներ դիմողների թիվը: Հնդկաստանցի գիտնականները կարծում են, որ այդ օդի շնչումը հավասարազոր Է օրական 50 սիգարետ ծխելուն:
Պաշտոնական տվյալների համաձայն օդի վատ որակը եւ թունավոր ծխամշուշը Հնդկաստանի հյուսիսում տարեկան առնվազն մեկ միլիոն մարդու մահվան պատճառ են դառնում են, հաղորդել Է ՏԱՍՍ-ը:
