Առհասարակ ինովացիան այն նորության ստեղծումն է, որը իր հետ բերում է նոր հավելյալ արժեք. Փորձառությունից մինչև ժամանակի տնտեսում: Մարդկային պատմության ընթացքում ինդուստրիալ հեղափոխությունները տեղի են ունեցել հենց ինովացիայի արդյունքում: Ընդհանրական առումով, ըստ «Գալաքսի» ընկերությունների խմբի ռազմավարության և ինովացիայի տնօրեն Էդգար Կարապետյանի՝ կարելի է տարանջատել կոմերցիոն, տրանսֆորմացիոն, ընթացիկ և այսպես ասած պայթյունային նորարարություններ: Կարապետյանի խոսքով՝ «Գալաքսի» ընկերությունների խումբը փորձում է անընդհատ մնալ ընթացքի մեջ և Հայաստանում նոր արժեք ստեղծել: