1915-ի Ապրիլի 24-ի նախօրեին թուրքական կապիտալի 70 տոկոսը հայերի ձեռքում էր: Փողը նրանց չփրկեց: Բոլորն արժանացան Գրիգոր Զոհրապի կամ Դանիել Վարուժանի ճակատագրին: Սեփական ազգին դավաճանող մեծահարուստին թուրքն առաջինն է պատժում:
Իշխանությունը խոսում է թուրքերի հետ բարեկամությունից, իսկ ընդդիմությունն ասում՝«Արցախը չի կարող լինել Ադրբեջանի կազմում»: Պարոնայք, երեսուն տարվա մեջ այդ մի՞տքն էր, որ երկնեցիք:
1991-ի դեկտեմբերին Ազգալդյանը կանգնած Շահումյանի լեռներում ասում էր՝ «ինչ ուզում է ասեն ազգային և միջազգային ատյանները՝ սա Հայաստան է և վերջ»:
30 տարի մի ամբողջ ազգ պայքարեց Արցախի հայկական լինելու համար և հիմա մի անհստակ ձևակերպում ՝ «Արցախը չի կարող լինել Ադրբեջանի կազմում»:
Իսկ ու՞մ կազմում կարող է լինել: Ռուսաստանի՞, Թուրքմենստանի՞ կամ միգուցե Իրանի՞ կամ Վրաստանի. հարցնում է «Հայու տեսակ» հաղորդման հեղինակ Գագիկ Գինոսյանը:
