Վրաստանի պաշտպանական ուժերի 5-րդ հրետանային գումարտակը ավարտել է Վազիանիում անցկացվող երկշաբաթյա վարժանքները։ Այս մասին հայտնում է Վրաստանի պաշտպանության նախարարությունը։
Վարժանքների նպատակն է բարձրացնել գումարտակի մարտական պատրաստվածությունը, ինչպես նաև կոորդինացնել և միավորել տարբեր ռազմական տարրեր։ Ուսումնական վարժանքներին մասնակցել են 5-րդ հրետանային բրիգադի 51-րդ գումարտակի ստորաբաժանումները և հակաօդային պաշտպանության խմբերը։
Երկշաբաթյա վարժանքներն անցկացվել են երեք փուլով։ Առաջին փուլում դաշտային պայմաններում անցկացվել են գործնական պարապմունքներ։ Երկրորդ փուլում 48-ժամյա ռեժիմով դիտարկվել են ռազմական ստորաբաժանումների ռազմավարական գործողությունները։ Ուսումնավարժանքները եզրափակել են կրակային պատրաստության պարապմունքները։
Եզրափակիչ փուլը գնահատել է դիտորդներից կազմված հատուկ հանձնաժողովը։