Միհրանը ծնվել է Դերսիմում: Սովորել թուրքական դպոցում: Իր խոսքերով՝ վերջին 11տարիների ընթացքում իր իսկական ինքնությունը վերադարձնելու նպատակով կյանքի նոր փուլ է անցել:
«Հատկապես Հրանտի սպանությունը բացեց մեր վերքերը և դրա դեմ անհաղորդ չմնացի և արյունոտ շապիկս հանեցի».ասում է նա:
Շուտով լույս է տեսնելու նրա հերթական գիրքը՝ «Մեր գոյության հետքերը» Դերսիմի հայերի մասին:
Սահակ Մութաֆյանն էլ ծնունդով Վանեցի է: Սահակի մեծ պապն ու նրա քույրը՝ Սանամը, ընտանիքի միակ փրկված երեխաներն են:
«Սանամը հավաքել է հինգ-վեց երեխայի, որոնց ծնողները մահացել են: Նրանց հետ միասին կինը նստում է էսքիշեհիրի գնացքը և մեկնում Քոնյա: Հետագայում որբուկներին բաժանում են մուսուլման ընտանիքիների միջև: Կինը որոշ ժամանակ անց հետ է վերադառնում՝ փորձելով գտնել նրանց: Պարզվում է երեխաների մեծ մասը փողոցում են հայտնվել, իսկ Սանամին ծեծելով վտարում են:
Կնոջը իր մահվանից տարիներ հետո զրկում են քաղաքացիությունից: Սահակ Մութաֆյանի խոսքով Թուրքիայում անգամ մահացած հայերին երբեմն չեն կարողանում հանդուրժել: Սահակը հաղորդման ժամանակ ներկայացնում է իր ջանքերով գտած Վանի գրանցամատյանը, որտեղ կան շատ ու շատ հայեր:
Թուրքագետ Տիրան Լոքմագյոզյանի հյուրերը՝ Թուրքիայում ծնված և հայկական ինքնությանը վերադարձած Միհրան Փրկիչն է և Սահակ Մութաֆյանը: