17:54   13-05-2022
Image Description
Պուտինը և Շոլցը հեռախոսով քննարկել են Ուկրաինայի իրադրությունը
Թողնել մեկնաբանություն

ՌԴ նախագահ Վլադիմիր Պուտինը եւ Գերմանիայի կանցլեր Օլաֆ Շոլցը հեռախոսազրույցի ընթացքում քննարկել են Մոսկվայի եւ Կիեւի միջեւ բանակցությունների ընթացքը: Ռուսաստանի նախագահն ուշադրություն է հրավիրել այն հանգամանքի վրա, որ այդ գործընթացը, ըստ էության, արգելափակվել է ուկրաինական կողմի կողմից, ուրբաթ օրը հայտնել են Կրեմլի մամուլի ծառայությունում՝ ամփոփելով զրույցի արդյունքները:

«Սկզբունքային գնահատական է տրվել ռուս-ուկրաինական բանակցություններում տիրող իրավիճակին, որոնք, ըստ էության, արգելափակվել են Կիևի կողմից»,- ասված է հաղորդագրության մեջ: Առաջնորդները նաև անդրադարձել են Ուկրաինայի իրադրության հումանիտար ասպեկտներին, այդ թվում՝ «Ազովստալից» տարհանմանը:

«Ռուսաստանի նախագահը և Գերմանիայի Դաշնային կանցլերը պայմանավորվել են, որ հիշյալ հարցերի շուրջ քննարկումը կշարունակվի տարբեր ուղիներով շփումների ընթացքում»,- հավելել են Կրեմլում:

Նշվում է, որ ընդհանուր առմամբ շարունակվել է Ուկրաինայի իրադրության քննարկումը՝ շեշտը դնելով հումանիտար ասպեկտների վրա:

Loading...