Թուրքիայի նախագահ Ռեջեփ Թայիփ Էրդողանն Անկարայում հանդիպելու է Ալժիրի նախագահ Աբդուլմեջիդ Թեբբունի հետ: Կողմերը քննարկելու են երկկողմ հարաբերություններին առնչվող հարցեր, փոխանցում է Ermenihaber-ը։
Նախագահները մասնակցելու են Ալժիր-Թուրքիա բարձր մակարդակի համագործակցության խորհրդի առաջին նիստին:
Նշվում է նաև, որ քննարկվելու են տարածաշրջանային մի շարք խնդիրներ, այդ թվում իրավիճակը Լիբիայում և Ուկրաինայում, ինչպես նաև միջերկրածովյան ավազանում:
Թուրքական աղբյուրը նշում է, որ երկու երկրների նպատակը առևտրաշրջանառության ծավալը 5 մլրդ դոլարի հասցնելն է:
Սպասվում է, որ նախագահները հանդիպումից հետո հանդես կգան մամուլի ասուլիսով։