Ղազախստանի հարավում գտնվող Շիմկենթ քաղաքի ծննդատան մոտ մայիսի 21-ին պայթյուն է որոտացել՝ վնասելով բնակելի շենքը։ Այս մասին հայտնում է Zakon.kz պորտալը։
«Պայթյունը որոտացել է Շիմկենթում՝ թիվ 1 ծննդատան մոտ։ Վնասվել է հարակից հինգ հարկանի բնակելի շենքը»,- ասվում է հաղորդագրության մեջ։
Ըստ նախնական տեղեկությունների՝ պայթյունը տեղի է ունեցել միջհիվանդանոցային դեղատանը։ Հնարավոր է, որ թթվածնի բալոն պայթել է։ Միջադեպի հետևանքով տուժել է դեղատան անվտանգության աշխատակիցը, նա տեղափոխվել է հիվանդանոց։
Դեպքի վայրում են ոստիկանները, հրշեջներն ու բժիշկները։