Հայաստանում կրթական համակարգը կշարունակի դոփել նույն տեղում, քանի դեռ մեր ուսուցիչները, տնօրեններն ազատ մտածող չեն, քանի դեռ դպրոցները ներգրավված են քաղաքական գործընթացների մեջ: Քանի դեռ ընտրություններին կատարած աշխատանքն է դառում տնօրենների գնահատման ու վարկանիշի չափանիշը: Երբ մի տնօրեն տեսնում է, որ մեկ այլ տնօրեն, որը կուսակցական է, ավելի արտոնյալ է, նա ինքն էլ կարող է ինքնակամ գնալ ու անդամակցել որևէ կուսակցության: Մեր հասարակությունն ի ծնե անազատ ու ստրկամիտ չէ, այդպիսին մարդկանց դարձնում է գործող համակարգը: Կրթական խնդիրների մասին են զրուցել Նարինե Թուխիկյանն ու կրթության փորձագետ Սերոբ Խաչատրյանը:
