ԱՄՆ նախագահ Ջո Բայդենը երեքշաբթի հրաման է ստորագրել իրավապահ մարմինների աշխատանքի բարեփոխման վերաբերյալ: Այս մասին հայտնում է TASS-ը:
Հրամանը կարգելի խեղդամահ անող հնարքների կիրառումը, կսահմանափակի առանց նախապես ծանուցման հաստատություններ մտնելու հնարավորությունը և այլն:
Նախատեսվում է նաև ոստիկանների ոչ իրավաչափ գործողությունների վերաբերյալ տվյալների ազգային բազայի ստեղծում: Հրամանով պարտադիր կդառնա մարմնին ամրացվող տեսախցիկների կիրառումը, նախատեսվում է նոր ստանդարտների հաստատում, որոնք կսահմանափակեն ուժի կիրառումը:
Բայդենը հրամանը ստորագրել է մայիսի 25-ին՝ Միննեապոլսում ոստիկաններից կողմից կիրառված հնարքի պատճառով աֆրոամերիացի Ջորջ Ֆլոյդի մահվան երկրորդ տարելիցի օրը:
