ՀՀ վարչապետ Նիկոլ Փաշինյանը առցանց ասուլիսի ժամանակ պատասխանելով լրատվամիջոցներից մեկի հարցին, նշեց, որ չկա քաղաքական պատճառով չբացահայտվող կոռուպցիոն գործ:
«Իմ քաղաքական մերձավորներից կալանքի տակ գտնվող մարդ կա: Փաստն այն է, որ այսօր կալանքի տակ ունենք մարդ, ով կալանքի պահին եղել է գործող նախարար, ունենք, որ կալանքի պահին եղել է կառավարությանն առընթեր մարմնի ղեկավար, ունենք կալանքի տակ գտնվող մարդ, որ կալանքի պահին եղել է նախարարի տեղակալ, ՔՊ կուսակցության անդամ, կալանքի պահին եղել է ԶՈՒ գլխավոր շտաբի պետի տեղակալ և այլն: Որևէ մեկը հիմք չունի ասելու, թե Հայաստանում որևէ կոռուպցիոն գործ կա, որը քաղաքական պատճառով չի բացահայտվում:
Եթե քաղաքական պատճառով չբացահայտվող գործեր կան, ապա այդ գործերի չբացահայտման հանգամանքները վերաբերում են ոչ թե մեր, այլ նախկին կառավարությանը: Այսօր էլ նախկին իշխանության ներկայացուցիչներ ամենատարբեր օղակներում ունեն լծակներ, ծանոթներ, կապեր և այլն»,- ասաց Փաշինյանը:
