Ռուսաստանի Դաշնությունը հանել է Ղրղզստանի 47 հազար քաղաքացու մուտքի սահմանափակումը։ Այս մասին ասված է Ղրղզստանի ԱԳՆ՝ շաբաթ օրը հրապարակված հաղորդագրության մեջ։
«Ռուսաստանում փոքր վարչական իրավախախտումներ կատարած Ղրղզստանի մոտ 47000 քաղաքացու համար Ռուսաստան մուտքի սահմանափակումները հանվել են»,- ասվում է հաղորդագրությունում։ Նրանց բոլորին նախկինում արգելվել է մուտք գործել ՌԴ՝ Ռուսաստանի տարածքում կատարված տարբեր իրավախախտումների համար։
Դա հնարավոր է դարձել «ռուսական կողմի հետ տարված աշխատանքի արդյունքում»:
Ղրղզստանի մոտ 35 հազար քաղաքացի դեռևս մնում է ռուսական սև ցուցակում:
