Երևանյան փողոցների դիտահորերի մաշված կափարիչներն ու ասֆալտի նստվածքը խաթարում են անվտանգ երթևեկությունը: Այս մասին հայտնում են Երևանի քաղաքապետարանից:
«Չնայած խնդրի ուղղակի պատասխանատուն կապի, ջրահեռացման կամ այլ ծառայություններ մատուցող կազմակերպություններն են, որոնք տնօրինում ու օգտագործում են դիտահորերը, այսուհանդերձ համայնքը՝ կարևորելով քաղաքի բնակիչների անվտանգությունը, ստանձնել է խնդրի լուծումը։
Ընթացիկ տարում մայրաքաղաքում կփոխարինվի շուրջ 770 դիտահորի կափարիչ, 22 դիտահոր էլ կհավասարեցվի ճանապարհներին»,- նշված է հաղորդագրության մեջ:
