17:43   10-08-2022
Image Description
Հարվածներ Դոնեցկի բնակավայրերին, Զայցևոյում թեժ մարտեր են ընթանում․ նոր տեղեկություններ ուկրաինական ռազմաճակատից
Թողնել մեկնաբանություն

Դոնեցկի մարզի Գորլովկա բնակավայրի ղեկավարը հայտնել է, որ հարևան Զայցևո բնակավայրում թեժ մարտեր են ընթանում, հաղորդում է РИА Новости գործակալությունը։

Իսկ Դոնեցկի Ժողովրդական Հանրապետությունից հայտնել են ուկրաինական ուժերի կողմից Դոնեցկի մի շարք բնակավայրերի գնդակոծության մասին։ Ըստ ТАСС գործակալության՝ Պետրովսկիի շրջանում 2 խաղաղ բնակիչ է վիրավորվել ուկրաինական կողմի հարվածներից։ Հաղորդվում է, որ առավել ինտենսիվ գնդակոծության է ենթարկվել Դոնեցկ քաղաքը, որի ուղղությամբ 62 արկ է արձակվել։

Իր հերթին Ռուսաստանի պաշտպանության նախարարության պաշտոնական ներկայացուցիչը օգոստոսի 10-ի ճեպազրույցում հայտնել է ուկրաինական թիրախերի խոցման մասին։

«Բարձր ճշգրտության հարվածներով Ռուսաստանի օդատիեզերական ուժերը Կրասնոգորովկա բնակավայրում ոչնչացրել են սպառազինության պահեստ։ Պեսկի բնակավայրի շրջանում Ռուսաստանի օդատիեզերական ուժերի հարվածների հետևաքով մարտունակությունը կորցրել է Ուկրաինայի զինված ուժերի 56-րդ մոտոհետևակային բրիգադը։ Միավորման ստորաբաժանումներում ոչնչացվել է անձնակազի մինչև 70 տոկոսը… Նովոպավլովկա բնակավայրի շրջանում ոչնչացվել է Կիևի ռեժիմին Գերմանիայի կողմից մատակարարված «Գեպարդ» զենիթային համալիրի մարտական մեքենա», – ասել է Կոնաշենկովը։

ՌԴ ՊՆ ներկայացուցիչը հավելել է, որ վերջին մեկ օրում Նիկոլաևսկի շրջանի տարածքում օդային մարտերում խոցվել է Ուկրաինայի ռազմաօդային ուժերին պատկանող 3 ինքնաթիռ։ Բացի այդ ՀՕՊ համակարգերի կողմից խոցվել է ուկրաինական 9 անօդաչու թռչող սարք, 2 բալիստիկ հրթիռ, ամերիկյան ՀԱՅՄԱՐԶ համակարգերի 7 արկ։

11:01   30-09-2022
Loading...