18:55   10-08-2022
Image Description
Ղազախստանն ու Թուրքիան հետախուզական ռազմական տեղեկատվություն կփոխանակեն
Թողնել մեկնաբանություն

Ղազախստանի կառավարությունը հաստատել է Թուրքիայի կառավարության հետ ռազմական հետախուզության ոլորտում համագործակցության մասին արձանագրությունը։

Փաստաթղթում ասվում է, որ կողմերը կփոխանակեն հետախուզական ռազմական տեղեկատվություն և փորձագիտական գնահատականներ արդիական թեմաների վերաբերյալ:

Բացի այդ, Ղազախստանն ու Թուրքիան տարածաշրջանի կամ այն պետության ռազմաքաղաքական իրադրության մշտադիտարկում կանցկացնեն, որը սպառնալիք է ներկայացնում կողմերից մեկի անվտանգությանը:

Արձանագրության համաձայն՝ հետախուզական ռազմական տեղեկատվության փոխանակումը կիրականացվի ռազմական անձնակազմի հանդիպումների ժամանակ կամ դիվանագիտական խողովակներով:

Նշվում է, որ ստացված տեղեկությունները չեն կարող փոխանցվել երրորդ կողմի՝ առանց տեղեկությունը տրամադրող կողմի գրավոր համաձայնության։

11:01   30-09-2022
Loading...