Գերմանիայի կանցլերը դեմ է Ռուսաստանի բոլոր քաղաքացիների համար վիզաների տրամադրման կասեցմանը: 1tv.ge-ի փոխանցմամբ՝ այս մասին Օլաֆ Շոլցն ասել է լրագրողների հետ հանդիպման ժամանակ հնչած հարցերին ի պատասխան։
Ինչպես ասել է Գերմանիայի կանցլերը, արդարացված չի համարում Ռուսաստանի բոլոր քաղաքացիներին վիզաների տրամադրման դադարեցումը։ Շոլցի խոսքով՝ «սա Պուտինի պատերազմն է»։
«Սա Պուտինի պատերազմն է։ Ուստի դժվարանում եմ ասել»,- ասել է Շոլցը։
Շոլցը նաև ասել է, որ Գերմանիան կշարունակի ռազմական աջակցություն ցուցաբերել Ուկրաինային, իսկ Եվրամիությունը կշարունակի պատժամիջոցներ կիրառել Ռուսաստանի դեմ։ Նրա խոսքով՝ Ռուսաստանը ստիպված կլինի բանակցել Ուկրաինայի հետ։
«Այս պատերազմի պատասխանատվությունը կրում է Ռուսաստանի նախագահը։ Ռուսաստանը պետք է հասկանա, որ պետք է համաձայնության գա Ուկրաինայի հետ: Ռուսաստանի կողմից շրջապատված խաղաղություն չի հաստատվի: Սա չպետք է աշխատի և չի կարող աշխատել»,- ասել է Օլաֆ Շոլցը։
Հիշեցնենք, որ մինչ այդ Ուկրաինայի նախագահը կոչ էր արել Եվրամիությանը դադարեցնել վիզաների տրամադրումը Ռուսաստանի քաղաքացիներին։ Նմանատիպ հայտարարություն արվել է Եվրամիության անդամ մի քանի երկրներում, այդ թվում՝ Ֆինլանդիայում և Լատվիայում։
