Չինաստանը Թայվան է ուղարկել 51 ինքնաթիռ եւ վեց ռազմանավ։ Այս մասին ասվում է Թայվանի պաշտպանության նախարարության հաղորդագրության մեջ։
«Օգոստոսի 18-ին, ժամը 17:00-ի դրությամբ, Թայվանի զինված ուժերը Թայվանի մերձակայքում ծովում եւ օդային տարածքում հայտնաբերել են 51 ինքնաթիռ եւ վեց նավ»,-ասվում է հաղորդագրության մեջ:
Նշվում է, որ Թայվանի նեղուցի այսպես կոչված «միջին գիծը» հատել է 25 ինքնաթիռ, այդ թվում՝ 12 Սու-30 կործանիչ, վեց J-16, չորս J-10, մեկ Y-8 ՌԷՊ ինքնաթիռ եւ երկու H-6 ռմբակոծիչներ։
