Միացյալ Նահանգները կարող է Չինաստանի հետ սարսափելի սցենարի մեջ կարող է հայտվնել այն բանից հետո, երբ Սպիտակ տունը հայտարարեց «Թայվանին տեր կանգնելու» պատրաստակամության մասին, գրում է ԱՄՆ բանակի սպա Բրենտ Իսթվուդը 19Fortyfive-ի հոդվածում փոխանցում է ՌԻԱ Նովոստին։
«Միացյալ Նահանգները լավագույն տարբերակներ չունի Թայվանը պաշտպանելու համար: Յուրաքանչյուր սցենար կարող է հանգեցնել ծովային կորուստների»,- ասել է նա։
Հեղինակը պարզաբանել է, որ տեսական կոնֆլիկտի դեպքում և այն դեպքում, երբ Վաշինգտոնը խախտի իր սահմանները, Չինաստանը հնարավորություն ունի հրթիռային հարվածներ հասցնել ամերիկյան նավատորմին, որը կլինի մարտական գոտում։ Իսթվուդի համոզմամբ, ավիակիր խմբի ոչնչացումը «մղձավանջ կլինի» երկրի նավատորմի համար։
«Պենտագոնը պետք է համոզվի, որ Սպիտակ տունը հասկանում է այն գինը, որը պետք է վճարվի», – զգուշացրել է փորձագետը:
Նա հույս է հայտնել, որ Վաշինգտոնն ու Պեկինը դիվանագիտական մեխանիզմներ կգտնեն ճգնաժամը կարգավորելու համար։
Օգոստոսին Թայվանի շուրջ իրավիճակը սրվեց ԱՄՆ Կոնգրեսի Ներկայացուցիչների պալատի նախագահ Նենսի Փելոսիի կղզի կատարած այցից հետո։ Պեկինը չի ճանաչում Թայբեյի ինքնիշխանությունը, այն համարում է իր նահանգը և կտրականապես դեմ է ապստամբ տարածաշրջանի իշխանությունների և այլ երկրների պաշտոնյաների շփումներին։ Ավելի վաղ Սպիտակ տան ղեկավարը CBS-ին տված հարցազրույցում ասել էր, որ Թայվանի և Չինաստանի միջև զինված բախման դեպքում Վաշինգտոնը կարող է հակամարտության մեջ մտնել Թայբեյի կողմից։