ՌԴ-ում մասնակի զորահավաքի շրջանակներում զորակոչվածների՝ հատուկ գործողության գոտում անցկացրած նվազագույն և առավելագույն ժամանակը չի սահմանվել, դա կախված կլինի իրավիճակից, հայտնում է Объясняем.рф պորտալը, փոխանցում է «ՌԻԱ Նովոստի»-ն:
«Նվազագույն և առավելագույն ժամանակը որոշված չէ: Դա կախված է ներկա իրավիճակից և ստորաբաժանումների առջև ծառացած խնդիրներից», – ասվում է պորտալի Telegram ալիքում:
Միաժամանակ նշվում է, որ մոբիլիզացվածներն իրավունք ունեն մեկնել արձակուրդ՝ ստորաբաժանման արձակուրդային գրաֆիկին համապատասխան, որը կազմված է հրամանատարների կողմից։
Զորահավաքային ծառայության ժամկետը հաշվվում է կենսաթոշակների ստաժում։
