Լեռնագործների, մետալուրգների և ոսկերիչների արհեստակցական կազմակերպությունների ճյուղային Հանրապետական միության նախաձեռնությամբ, Աշխատանքի միջազգային կազմակերպության (ԱՄԿ)՝ «Միասին նպաստենք Հայաստանում աշխատանքային իրավունքների իրացմանը» նախագծի աջակցությամբ, Ծաղկաձորում տեղի է ունեցել կլոր սեղան քննարկում, տեղեկացնում է ՀՀ առողջապահական և աշխատանքի տեսչական մարմինը:
«Աշխատանքի պաշտպանության և անվտանգությանը, ինչպես նաև սոցիալական գործընկերության ամրապնդմանն ուղղված կառավարման մեթոդներն ու աշխատանքի պլանավորումը ձեռնարկություններում» թեմայով քննարկմանը մասնակցել է ՀՀ առողջապահական և աշխատանքի տեսչական մարմնի աշխատողների առողջության պահպանման և անվտանգության ապահովման վերահսկողության բաժնի գլխավոր տեսուչ, Տեսչական մարմնի արհեստակցական կազմակերպության նախագահ Ստեփան Շահումյանը և հանդես եկել զեկույցով:
Միջոցառման նպատակն էր ամրապնդել սոցիալական գործընկերությունը, ինչպես նաև ՀՀ առողջապահական և աշխատանքի տեսչական մարմնի հետ համատեղ վեր հանել սկզբնական արհեստակցական կազմակերպությունների կողմից ոչ պետական վերահսկողության կիրառման իրական հնարավորությունները աշխատանքի պաշտպանության հարցերում։
