Հինգշաբթի օրը Պրահայում Եվրոպական քաղաքական համայնքի գագաթնաժողովի շրջանակներումտեղի կունենա Հայաստանի վարչապետ Նիկոլ Փաշինյանի և Թուրքիայի նախագահ Ռեջեփ Թայիփ Էրդողանը հանդիպումը, կքննարկվեն երկու երկրների հարաբերությունների կարգավորման հեռանկարները։ Սա կլինի նրանց առաջին դեմ առ դեմ հանդիպումը, ասել է Անկարայի դիվանագիտական շրջանակներում ՏԱՍՍ-ի աղբյուրը։
«Դեմ առ դեմ հանդիպումները միշտ էլ ավելի արդյունավետ են, քան հեռախոսային խոսակցությունները: Դա լիովին վերաբերում է Թուրքիայի նախագահի և Հայաստանի վարչապետի առաջիկա բանակցություններին: Պրահայում առաջընթաց կարելի է ձեռք բերել ինչպես Անկարայի և Երևանի միջև հարաբերությունների կարգավորման առումով, այնպես էլ Հայաստանի և Ադրբեջանի միջև խաղաղության համաձայնագրի նախապատրաստման գործում»,- ասել է աղբյուրը։
Sabah թերթը, հղում անելով իր աղբյուրներին, ավելի վաղ հայտնել էր, որ Էրդողանը մտադիր է Փաշինյանին առաջարկել երկու երկրների հատուկ ներկայացուցիչների հանդիպումներ անցկացնել Թուրքիայում և Հայաստանում կարգավորման հարցերի շուրջ, այլ ոչ թե երրորդ երկրների տարածքում։ Բացի դրանից, ինչպես նշվում է, նա հանդես կգա տարածաշրջանում լարվածությունը նվազեցնելու և Հայաստանի և Ադրբեջանի միջև խաղաղության պայմանագրի վաղաժամկետ ստորագրման առաջարկներով, հայտնում է ՏԱՍՍ-ը:
