«Հիմնարկ» ընկերության համահիմնադիր Ռուբեն Օսիպյանն ընտրվել է ՓՄՁ համագործակցության ասոցիացիայի նախագահ: Ըստ նրա՝ ՓՄՁ ոլորտն ունի զարգացման մեծ պոտենցիալ, բայց նաև բազմաթիվ խնդիրներ, որոնք, նախևառաջ, կապված են բիզնես պրոցեսների ոչ գրագետ կազմակերպման հետ: Մյուս խնդիրը բիզնեսի կենտրոնացվածությունն է մայրաքաղաքում ու առևտրի ոլորտում: Պետություն էլ իր հերթին բազմաթիվ անելիքներ ունի փոքր ու միջին բիզնեսի կողքին կանգնելու հարցում: «Գործի բերումով» հաղորդաշարի ամփոփիչ թողարկմանը Ռուբեն Օսիպյանը ներկայացրել է ՓՄՁ ոլորտի զարգացման իր տեսլականն ու առաջնահերթությունները:
