ՀՀ Արմավիրի մարզպետարանում մարզպետի տեղակալ Առնակ Ավետիսյանը Զբոսաշրջության կոմիտեի առաջին տեղակալ Սուսաննա Հակոբյանի հետ անցկացրել են զբոսաշրջային ոլորտի պետական և մասնավոր հատվածի շահագրգիռ կողմերի հետ հանդիպում-քննարկում:
Հանդիպմանը ներկա են գտնվել մարզպետարանի և համայնքապետարանների զբոսաշրջության բաժնի աշխատակիցները, թանգարանների ներկայացուցիչները, ինչպես նաև Արմավիրի մարզի զբոսաշրջության ոլորտի մասնավոր հատվածի ներկայացուցիչները։
Փոխմարզպետը, ներկայացնելով հանդիպման նպատակը, նշել է, որ մարզում կարևորվում է ենթակառուցվածքների և նոր պրոդուկտների ստեղծում-խթանումը և համագործակցությունների ընդլայնումը միջազգային կազմակերպությունների` World Bank, GIZ, USAID և այլնի հետ։
«Պետք է ամեն ինչ անենք, որ մարզում զբոսաշրջությունը զարգացնենք և այն գրավիչ դառնա զբոսաշրջիկների համար»-, հավելել է Առնակ Ավետիսյանը։
Սուսաննա Հակոբյանը և կոմիտեի խորհրդական Լիլիթ Պետրոսյանը ներկայացրել են Զբոսաշրջության կոմիտեի հիմնական գործառույթները, զբոսաշրջության քաղաքականությունը, միջազգային համագործակցության շրջանակը, մարքեթինգն ու ոլորտի առաջխաղացմանն ուղղված հարցեր։
Քննարկվել եննաև մարզի զբոսաշրջային ոլորտում առկա խնդիրներն ու մարտահրավերները։
