Աշխարհի 47 երկրում Գելլափ կազմակերպության կողմից անցկացված միջազգային վերջին հարցումների համաձայն այս տարի ամենալավատես ոչ եվրոպական պետությունների հնգյակը հետևյալն է՝ Պերու, Ալբանիա, Նիգերիա, Ղազախստան և Հայաստան: Մեր երկիրը 55 ինդեքսով ճանաչվել է տարածաշրջանի ամենալավատես պետությունը: Ամբողջ երկրում 1500 քաղաքացու մասնակցությամբ դեմ առ դեմ և հեռախոսով իրականացված հարցումները ցույց են տվել, որ մեր հասարակությունն իր ապագայի նկատմամբ տրամադրված է լավատեսորեն: Այն հարցին, թե արդյո՞ք այս տարին ավելի լավն է լինելու, քան նախորդը, հանրության 62 %-ը դրական պատասխան է տվել, 25%-ի կարծիքով ոչինչ չի փոխվելու, 6 %-ը դժվարացել է պատասխանել և միայն 7 %-ի կարծիքով 2020 թվականը նախորդ տարվանից ավելի վատն է լինելու: Հույսի և հուսահատության ինդեքսը չափող միջազգային Գելլափ Ինթերնեյշնլ Ասոցիացիայի Հայաստանում պաշտոնական ներկայացուցիչ «ԷՄ-ՓԻ-ՋԻ» ընկերության փոխտնօրեն Գայանե Դաջունցը ներկայացնում է աշխարհի ամենալավատես և վատատես ազգերի ցանկը:
