Մի բաժակ ջրից սկսած մինչև ծուռ նայելը…. Թուրքիայում արյան վրեժի ավանդույթը այդ երկրի տարբեր վայրերում տարբեր ընկալումներ ունի: Երկրի արևմուտքում այնքան էլ տարածված չէ ի տարբերություն արևելյան հատվածի: Հաճախ վրեժը ոչ թե ոսոխից էին լուծում, այլ այն մարդուց, ով ավելի հասանելի էր՝ հեռավոր բարեկամից , մինչև սարի չոբանը:
Վրեժի դրդողներն ավելի շատ կանայք էին: Ասում էին՝ եթե հորդ վրեժը չլուծես, կաթս հալալ չեմ անում քեզ, ու ատրճանակը 10 տարեկան երեխայի ձեռքն էին տալիս:
Թուրքագետ Տիրան Լոքմագյոզյանը պատմում է՝ ոչ վաղ անցյալում արյան վրեժի պատմությունը չէր հանդարտվում այնքան , մինչև կողմերին չէր հաշտեցնում որևէ անվանի մարդ կամ պաշտոնյա:
