«Հին Երևան» նախագիծը նորից շրջանառության մեջ է դրվել. քաղաքապետի և ԿԳՄՍ նախարարի մասնակցությամբ քննարկվել է «Հին Երևան» ծրագրի ամբողջական փաթեթի հաստատման հարցը:«Հին Երևան» նախագիծն ընդգրկում է շուրջ 100 հազ. ք/մ մակերեսով շինարարական տարածք Աբովյան փողոցից մինչեւ Կողբացի փողոց և Արամի փողոցից մինչև Բյուզանդի փողոցն ընդգրկող Գլխավոր պողոտայի հատվածում: Նախագծով նախատեսվում է վերականգնել 19-րդ դարի վերջի - 20-րդ դարի սկզբի Երևանի մի մասը:
«Մեծ կառուցապատում» հաղորդման հյուրը «Հին Երևան» նախագծի հեղինակ, ճարտարապետ Լևոն Վարդանյանն է:
