Ավելի քան 200 մարդ կդառնա Հայաստանի և Ռուսաստանի գիտակրթական ֆորումի մասնակից, որը շուտով կանցկացվի Հայաստանում։ Այս մասին ՏԱՍՍ-ին հայտնել է Հայաստանի կրթության, գիտության, մշակույթի և սպորտի փոխնախարար Արթուր Մարտիրոսյանը։ Կրթական համաժողովը կանցկացվի ԱՊՀ և ԵԱՏՄ երիտասարդական երկրորդ ֆորումի շրջանակում։
Մարտիրոսյանի խոսքով՝ համաժողովին ակնկալվում է երկու երկրների կրթության նախարարների մասնակցությունը։ Բացի այդ, միջոցառմանը նախատեսվում է Մոսկվայի Լոմոնոսովի անվան պետական համալսարանի ռեկտորի ներկայությունը։ Փոխնախարարը նշեց, որ համաժողովին կմասնակցեն մոտ 100 ռուսաստանցի և 100 հայաստանցի։
