Հայաստանում չինական, իրանական և ռուսական ապրանքներին զուգագեռ շարունակում են ներմուծվել բազմատեսակ թուրքական ապրանքներ: Եվ դա այն պարագայում, երբ սահմանները փակ են, ինչպես և դիվանագիտական «դռները»:
Այն ապրանքները, որոնք առաջին հայացքից կարող են թուրքական չթվալ, լավ ուսումնասիրելու դեպքում կարելի է պարզել, որ դրանք ինչ-որ չափով թուրքական ծագում ունեն:
Օրինակ՝ Հայաստան ներկրված կանաչ գույնի նոր «MAN» մակնիշի ավտոբուսները հավաքվում են Թուրքիայում, թեպետ բուն ապրանքանիշը թուրքական չէ:
«Չնայած այս ամենին՝ Թուրքիայում, օրինակ, հայկական կամ առավել ևս հունական ապրանք հազիվ թե գտնեք». ասում է թուրքագետ Տիրան Լոքմագյոզյանը:
